Mwenyekiti wa Chama Cha Mapinduzi (CCM) Taifa, Rais Samia Suluhu Hassan, leo Julai 29, 2026, ameongoza Kikao Maalumu cha Kamati Kuu ya Halmashauri Kuu ya CCM (NEC) kilichofanyika Zanzibar.
Kikao hicho kimewakutanisha viongozi wa juu wa chama kujadili masuala mbalimbali muhimu yanayohusu CCM na maendeleo ya Taifa, ikiwa ni sehemu ya maandalizi na utekelezaji wa majukumu ya chama.
Miongoni mwa ajenda zilizojadiliwa ni namna ya kuimarisha utekelezaji wa maamuzi ya CCM pamoja na Ilani ya Uchaguzi, kwa lengo la kuhakikisha ahadi zilizotolewa kwa wananchi zinaendelea kutekelezwa kwa ufanisi.
CCM imeeleza kuwa kikao hicho ni sehemu ya utaratibu wa chama wa kutathmini utekelezaji wa mipango yake na kuweka mikakati ya kuendelea kuwaletea wananchi maendeleo kupitia sera na programu mbalimbali.
