Staa wa muziki wa Afropop kutoka Nigeria, Davido, amewaonesha mashabiki wake jumba jipya alilonunua hivi karibuni katika jimbo la Georgia, Marekani.
Msanii huyo alishiriki picha na video za nyumba hiyo ya kifahari kupitia ukurasa wake wa Instastory, akiwapa wafuasi wake nafasi ya kuona baadhi ya maeneo ya makazi hayo mapya.
Akiambatanisha machapisho hayo, Davido aliandika ujumbe wa shukrani uliosomeka, “Mungu amekuwa na baraka sana kwetu,” akionesha kuthamini mafanikio na neema alizopata katika maisha yake binafsi na safari yake ya muziki.
Baada ya machapisho hayo kusambaa, mashabiki na watu mbalimbali kwenye mitandao ya kijamii walimpongeza msanii huyo kwa hatua hiyo mpya ya uwekezaji, wakieleza kuwa mafanikio yake yanaendelea kukua sambamba na umaarufu wake katika tasnia ya muziki barani Afrika na duniani kwa ujumla.
