Sekta ya filamu imeendelea kuvunja rekodi za mapato duniani, huku baadhi ya filamu chache zikifanikiwa kuvuka alama ya dola bilioni 2 katika mauzo ya tiketi.
Hadi Agosti 2026, filamu kutoka kwenye franchise maarufu kama Avatar, Avengers, Star Wars na Spider-Man zimeendelea kutawala orodha ya filamu zenye mapato makubwa zaidi ya wakati wote.
Hizi ndizo filamu 8 zilizoingiza fedha nyingi zaidi duniani bila kuzingatia mabadiliko ya thamani ya fedha kutokana na mfumuko wa bei:
1. Avatar (2009) – Dola Bilioni 2.9 (Sh Trilioni 7.6)
Filamu ya kisayansi ya mkurugenzi James Cameron ndiyo inayoongoza kwa mapato makubwa zaidi duniani, ikiwa imeingiza takribani dola 2.92 bilioni. Filamu hiyo iliwaweka pamoja waigizaji Zoe Saldaña na Sam Worthington.
2. Avengers: Endgame (2019) – Dola Bilioni 2.7 (Sh Trilioni 7.2)
Filamu hii ya Marvel Cinematic Universe ilivunja rekodi nyingi baada ya kuingiza zaidi ya dola 2.79 bilioni duniani na kuwa moja ya filamu zilizofanikiwa zaidi katika historia ya sinema.
3. Avatar: The Way of Water (2022) – Dola Bilioni 2.3 (Zaidi ya Sh Trilioni 6)
Muendelezo wa Avatar uliendelea kufanya vizuri sokoni na kukusanya zaidi ya dola 2.33 bilioni duniani.
4. Titanic (1997) – Dola Bilioni 2.26 (Zaidi ya Sh Trilioni 5.8)
Filamu ya mapenzi na historia iliyoongozwa na James Cameron, ikiwa na waigizaji Leonardo DiCaprio na Kate Winslet, imeingiza zaidi ya dola 2.26 bilioni tangu ilipotolewa.
5. Ne Zha 2 (2025) – Dola Bilioni 2.26 (Zaidi ya Sh Trilioni 5.8)
Filamu ya uhuishaji kutoka China ilivunja rekodi kadhaa za mauzo ya tiketi baada ya kuingiza zaidi ya dola 2.26 bilioni duniani.
6. Star Wars: The Force Awakens (2015) – Dola Bilioni 2.07 (Zaidi ya Sh Trilioni 5.3)
Filamu hii ya Star Wars iliyoongozwa na J.J. Abrams ilifanikiwa kuvuka dola bilioni 2 na kufikisha takribani dola 2.07 bilioni.
7. Avengers: Infinity War (2018) – Dola Bilioni 2.05 (Zaidi ya Sh Trilioni 5.3)
Kabla ya mafanikio ya Avengers: Endgame, filamu hii ilikuwa miongoni mwa filamu za mashujaa zilizovunja rekodi baada ya kuingiza zaidi ya dola 2.05 bilioni.
8. Spider-Man: No Way Home (2021) – Dola Bilioni 1.9 (Zaidi ya Sh Trilioni 4.9)
Filamu hii iliyomshirikisha Tom Holland kama Spider-Man iliingiza zaidi ya dola 1.92 bilioni, na kuwa filamu yenye mapato makubwa zaidi katika historia ya Spider-Man.
Kwa sasa, filamu mpya kama The Odyssey na Spider-Man: Brand New Day zinaendelea kufanya vizuri katika majumba ya sinema na zina nafasi ya kuingia kwenye orodha hii endapo zitaendelea kuvunja rekodi za mapato.
