Rapa na mfanyabiashara maarufu wa Marekani, Sean “Diddy” Combs, amewekewa tena tarehe mpya ya kuachiwa kutoka gerezani, huku rekodi za U.S. Federal Bureau of Prisons zikionyesha kuwa sasa anatarajiwa kumaliza kifungo chake Januari 21, 2028.
Diddy, ambaye kwa sasa anatumikia kifungo katika gereza la shirikisho la FCI Fort Dix nchini Marekani, amekuwa akiona tarehe yake ya kuachiwa ikibadilishwa mara kadhaa tangu alipoanza kutumikia kifungo.
Awali, tarehe yake ya kuachiwa iliwekwa ndani ya mwaka 2028, kabla ya kubadilishwa mara kadhaa kutoka Juni hadi Aprili na baadaye Februari. Mwishoni mwa Julai 2026, tarehe hiyo iliwekwa kuwa Januari 24, 2028, kabla ya kusogezwa tena mbele hadi Januari 21, 2028.
Diddy alihukumiwa kifungo cha miezi 50, sawa na miaka minne na miezi miwili, baada ya kupatikana na hatia mwaka 2025 kwa makosa mawili ya kusafirisha watu kwa ajili ya ukahaba.
Hata hivyo, mahakama ilimuachilia huru katika mashtaka makubwa zaidi yaliyohusisha biashara ya ngono na njama ya uhalifu uliopangwa.
Mabadiliko ya tarehe ya kuachiwa yanaweza kuhusishwa na mambo mbalimbali yanayozingatiwa katika mfumo wa magereza nchini Marekani, ikiwemo muda ambao tayari ameshatumikia pamoja na programu au shughuli zinazoweza kuathiri muda wa kifungo.
Kwa mujibu wa rekodi za serikali, Januari 21, 2028 ndiyo tarehe ya sasa ya kuachiwa kwa Diddy, ingawa tarehe hiyo inaweza kubadilika tena kulingana na taratibu za mfumo wa magereza.
Iwapo hakutakuwa na mabadiliko mengine, Diddy anatarajiwa kurejea uraiani mapema mwaka 2028.
Stori na Tereza Muga |GPL -TUDACO
