Benki ya Exim Yaahidi Ufanisi Zaidi Huduma za Kidigitali

Mkurugenzi Mtendaji wa Benki ya Exim Tanzania, Jafari Matundu (Katikati) akiwa kwenye picha ya pamoja na maofisa waandamizi wa benki hiyo ikiwemo Idara ya Huduma kwa wateja wakati wa hafla fupi ya kusherehekea wiki ya huduma kwa wateja.

Benki ya Exim Tanzania imeungana na ulimwengu wote kwa kutoa heshima kwa wateja na wafanyikazi wa benki hiyo ikiwa ni sehemu ya maadhimisho ya Wiki ya Kimataifa ya Huduma kwa Wateja inayofanyika kila mwaka mwezi Oktoba. Benki hiyo imeahidi kuboresha zaidi huduma zake hususani zile za kidigitali.

Baadhi ya maofisa wa benki ya Exim wakiongozwa na Meneja Mwandamizi Huduma kwa wateja Benki hiyo, Bw Frank Matoro (wa tatu kulia) wakibidhi keki kwa mmoja wa wateja wa benki hiyo Bi Rahel Athumani ambae ni Meneja Mauzo Msaidizi kutoka kampuni ya kuuza vinywaji ya MMI (wa nne kushoto) wakati maofisa hao walimpomtembelea mteja huyo ikiwa ni sehemu ya maadhimisho ya wiki ya huduma kwa wateja jijini Dar es Salaam leo.

Afisa Mtendaji Mkuu wa Benki ya Exim Bwana Jaffari Matundu akiwa ameambatana na maofisa waandamizi wa benki hiyo walitembelea matawi kadhaa pamoja na baadhi ya wateja wa benki hiyo jijini Dar es Salaam ili kuzungumza na wafanyakazi pamoja na kupata mrejesho kutoka kwa wateja wa kuhusu huduma zinazotolewa na wateja wa benki hiyo.

Maliza Kirahisi Kidigitali! Baadhi ya maofisa waandamizi wa benki ya Exim kutoka Idara ya Huduma kwa wateja akiwemo Meneja Mwandamizi Huduma kwa wateja Benki hiyo, Bw Frank Matoro (kushoto) na Bw Abdalla Rashidi (Katikati) wakimuhudumia mmoja wa wateja aliefika kununua vinywaji kwenye duka la kampuni ya vinywaji ya MMI ambayo ni mteja wa benki hiyo ikiwa ni sehemu ya maadhimisho ya wiki ya huduma kwa wateja jijini Dar es Salaam leo.

“Kama taasisi inayotoa huduma muhimu kwa wateja, wiki hii ni muhimu kwetu Benki ya Exim kwa kuwa inatupa fursa ya kushirikiana kikamilifu na wateja wetu. Uhusiano mzuri na madhubuti na wateja wetu unabaki kuwa muhimu sana kimkakati na hatua hii inaonyesha nia yetu ya kutambua jambo hili, ”alisema Bw Matundu wakati alipotembelea tawi la Makao Makuu ya benki hiyo jijini Dar es Salaam leo.

Akizungumzia umuhimu wa utoaji wa huduma kwa ubora, Bw Matundu aliwapongeza wafanyakazi wa benki hiyo huku akionyesha kutambua namna wanavyojituma kuwahudumia wateja kwa weledi na kwa uaminifu mkubwa.

Meneja Mauzo Msaidizi wa kampuni ya kuuza vinywaji ya MMI ya jijini Dar es Salaam Bi Rahel Athumani akifurahia keki aliyokabidhiwa na maofisa wa benki ya Exim wakati maofisa hao walimpomtembelea mteja huyo ikiwa ni sehemu ya maadhimisho ya wiki ya huduma kwa wateja jijini Dar es Salaam leo.

“Kila wakati tumekuwa tukitafuta njia mpya za kuwahudumia wateja wa benki ya Exim kwa weledi zaidi huku pia tukihamasisha ukuaji wa pamoja kati yetu na wateja wetu.” Alisema.

Kwa upande wake Meneja Mwandamizi wa Huduma kwa Wateja wa benki hiyo Bwana Frank Matoro alifafanua namna benki hiyo inavyojitoa katika kuwahakikishia utoaji wa huduma bora wateja wake ili kukidhi mahitaji na matarajio yao wakati wote.

Baadhi ya maofisa wa benki ya Exim wakibidhi keki kwa mmoja wa wateja wa benki hiyo Bw Sabalsinh Champsi (Kushoto) ambae ni Mkurugenzi Mtendaji wa duka la Shrijee’s Super market la jijini Dar es Salaam wakati maofisa hao walimpomtembelea mteja huyo ikiwa ni sehemu ya maadhimisho ya wiki ya huduma kwa wateja

“Ni muhimu kuonyesha na kuthamini thamani ya utoaji bora wa huduma kulingana na uzoefu na mahitaji ya wateja wetu, kwa kuwa vitu hivi ni viungo muhimu katika kujenga taasisi ya kifedha yenye nguvu zaidi nchini.” Alisema.

Mkurugenzi Mtendaji wa Benki ya Exim Tanzania, Jafari Matundu (Kulia) akiongea na mmoja wa wateja wa benki hiyo Bw Bakari Mikidadi (aliekaa) wakati Mkurugenzi huyo alipotembelea tawi la benki hiyo la Exim Tower jijini Dar es Salaam ili kupata mrejesho wa huduma zinazotolewa kwa wateja ikiwa ni sehemu ya maadhimisho ya wiki ya huduma kwa wateja. Wengine ni pamoja na Meneja wa benki hiyo tawi la Exim Tower Bw Vishal Ratansinh (Katikati) na Meneja Msaidizi Huduma kwa wateja wa benki hiyo Bi Rukio Chambuso.

Katika ziara yake kwa baadhi ya wateja wa benki hiyo jijini Dar es Salaam huku akiwa ameambatana na baadhi ya maafisa waandamizi wa benki hiyo Bw Matoro alitumia fursa hiyo kutumia na kuelezea baadhi ya huduma zinazotolewa na benki hiyo hususani zile za kidigitali yakiwemo matumizi ya kadi za benki katika kufanya miamala.

“Ili kufanya huduma zetu ziwe nzuri zaidi na rahisi kwa wateja, Exim benki tunazo chaguzi kadhaa ikiwemo kutumia huduma ya mobile bank inayohusisha matumizi ya simu za mkononi au kwa njia ya USSD, kutumia kadi zetu za benki, mtandao wetu wa POS na pia kutumia huduma za mtandaoni kupitia wavuti au programu (App) ambazo zinawawezesha wateja wetu kupata huduma muhimu za kifedha muda wote ,’’ alitaja Bw Matoro.

Maofisa wa benki ya Exim wakiwa kwenye picha ya pamoja mteja wa benki hiyo Bw Sabalsinh Champsi (Katikati) ambae ni Mkurugenzi Mtendaji wa duka la Shrijee’s Super market la jijini Dar es Salaam wakati maofisa hao walimpomtembelea mteja huyo ikiwa ni sehemu ya maadhimisho ya wiki ya huduma kwa wateja.

Kufuatia ziara hizo baadhi ya wateja wa benki hiyo ikiwa ni pamoja na kampuni za MMI Tanzania, inayojishughulisha na biashara ya mvinyo pamoja na kampuni ya Shrijee Traders walionesha kuridhishwa kwao na huduma zinazotolewa na benki hiyo pamoja na heshima ya kutembelewa na maofisa wa benki hiyo.

Baadhi ya maofisa wa benki ya Exim wakibidhi keki kwa wawakilishi wa kampuni ya kuuza vinywaji ya MMI ya jijini Dar es Salaam ambayo ni mteja wa benki hiyo akiwemo Meneja Mauzo Msaidizi wa kampuni hiyo Bi Rahel Athumani (wa pili kulia) wakati maofisa hao walimpomtembelea mteja huyo ikiwa ni sehemu ya maadhimisho ya wiki ya huduma kwa wateja

“Kimsingi nimekuwa nikiridhishwa na huduma ninazopatiwa kupitia benki ya Exim ikiwemo malipo ya hundi, malipo kwa njia ya mtandao pamoja na matumzi ya kadi za malipo ambayo kiukweli zinatolewa kwa ufanisi mkubwa. Niwaombe tu benki ya Exim waendelee kuhamasisha malipo kwa njia ya kidigitali maana ni bora zaid.Ninajivunia kuhudumiwa na Benki ya Exim,’’ alisema Bw Sabalsinh Champs, Mkurugenzi Mkuu wa kampuni ya Shrijee Traders inayomiliki Supermarket ya Shrijee’s iliyopo jijini Dar es Salaam.

Dar es Salaam: OKTOBA 7th, 2020