Rais Vladimir Putin ametoa onyo siku ya Jumanne, kwa nchi za Magharibi kuhusu Ukraine kwa kusimamisha mkataba wa kihistoria wa udhibiti wa silaha za nyuklia na kutangaza kuwa mifumo mipya ya kimkakati imewekwa kwenye jukumu la kupambana na kutishia kuanza tena majaribio ya nyuklia.
Takribani mwaka mmoja baada ya kuamuru uvamizi huo ambao umezua makabiliano makubwa zaidi na nchi za Magharibi katika miongo sita, Putin alisema Urusi itafikia malengo yake na kuzishutumu nchi za Magharibi kwa kujaribu kuiangamiza.
“Wasomi wa nchi za Magharibi hawafichi madhumuni yao. Lakini pia hawawezi kushindwa kutambua kwamba haiwezekani kuishinda Urusi kwenye uwanja wa vita,” aliwaambia wasomi wa kisiasa na kijeshi wa nchi yake.
Akidai kuwa Marekani inageuza vita hivyo kuwa mzozo wa kimataifa, Putin alisema Urusi inasitisha ushiriki wake katika Mkataba Mpya wa START, mkataba wake mkuu wa mwisho wa udhibiti wa silaha na Marekani.
Uliyosainiwa na wakati huo rais wa Marekani alikuwa Barack Obama na mwenzake wa Urusi Dmitry Medvedev mwaka 2010, mkataba huo unaweka idadi ya vichwa vya kimkakati vya nyuklia ambavyo nchi hizo zinaweza kupeleka.
Licha ya kwamba muda wake unaisha mwaka 2026, inaruhusu kila nchi kuangalia silaha za nyuklia za nchi nyingine, ingawa mvutano kuhusu Ukraine ulikuwa tayari umesimamisha ukaguzi.
Waziri wa mambo ya nje wa Marekani Antony Blinkenke alisema hatua ya Putin “ya kusikitisha sana na kutowajibika”.
Katibu Mkuu wa NATO Jens Stoltenberg alisema kuwa iliifanya dunia kuwa sehemu hatari zaidi na kumtaka Putin kufikiria upya.
Kiongozi huyo wa Urusi alisema, bila kutaja ushahidi, kwamba baadhi ya watu huko Marekani walikuwa wakifikiria kuvunja usitishaji wa majaribio ya nyuklia.
