Rais wa Jamhuri ya Muungano wa Tanzania, Dkt. Samia Suluhu Hassan, leo Julai 20, 2026, ameweka jiwe la msingi la mradi wa ujenzi wa Reli ya Kisasa (SGR) kutoka Tabora hadi Kigoma, hatua muhimu katika kuendeleza mtandao wa reli ya kisasa nchini.
Sherehe ya uwekaji wa jiwe la msingi imefanyika mkoani Kigoma ikiwa ni sehemu ya utekelezaji wa miradi mikubwa ya kimkakati ya Serikali inayolenga kuboresha miundombinu ya usafiri na uchukuzi, kurahisisha usafirishaji wa abiria na mizigo pamoja na kuchochea ukuaji wa uchumi.
Mradi wa reli ya SGR kutoka Tabora hadi Kigoma unatarajiwa kuunganisha Mkoa wa Kigoma na mtandao wa reli ya kisasa, kuongeza ufanisi wa usafirishaji wa bidhaa ndani na nje ya nchi, pamoja na kuimarisha biashara kati ya Tanzania na nchi jirani zinazotumia Bandari ya Kigoma kupitia Ziwa Tanganyika.
Ujenzi wa kipande hicho ni sehemu ya mpango wa Serikali wa kupanua mtandao wa SGR nchini, unaolenga kuifanya Tanzania kuwa kitovu cha usafiri na biashara katika ukanda wa Afrika Mashariki na Kati.
