Rais wa Jamhuri ya Muungano wa Tanzania, Dkt. Samia Suluhu Hassan, amepokea salamu maalum kutoka kwa Rais wa Jamhuri ya Watu wa China, Xi Jinping, zilizowasilishwa na Balozi wa China nchini Tanzania, Chen Mingjian, katika Ikulu ya Tunguu, Zanzibar, Julai 28, 2026.
Mbali na kupokea salamu hizo, Rais Samia pia alifanya mazungumzo na Balozi Chen Mingjian kuhusu masuala mbalimbali yanayohusu uhusiano na ushirikiano kati ya Tanzania na China.
Mazungumzo hayo yalifanyika Ikulu ya Tunguu, Zanzibar, ikiwa ni sehemu ya kuendeleza na kuimarisha ushirikiano wa kidiplomasia, kiuchumi na maendeleo kati ya mataifa hayo mawili ambayo yamekuwa na uhusiano wa muda mrefu.
