Rabat, Morocco — Kiungo mshambuliaji wa Uganda, Allan Okello, ametambulishwa rasmi kuwa mchezaji mpya wa AS FAR Rabat baada ya kukamilisha uhamisho wake kutoka Young Africans SC, maarufu Yanga.
Okello, ambaye alikuwa sehemu ya kikosi cha Yanga, sasa ameanza ukurasa mpya wa maisha yake ya soka nchini Morocco baada ya AS FAR kukamilisha taratibu zote za kumsajili.
Klabu hiyo ya Rabat imemkaribisha Okello kupitia njia zake rasmi, huku nyota huyo wa Uganda akitarajiwa kuwa sehemu muhimu ya kikosi kitakachoshiriki mashindano ya ndani na ya kimataifa katika msimu mpya.
Uhamisho huo unaendeleza safari ya Okello ya kucheza soka nje ya Uganda, baada ya kupata uzoefu katika Ligi Kuu ya Tanzania akiwa na Yanga.
Kwa kujiunga na AS FAR, Okello sasa anatazamiwa kuanza maandalizi yake mapya na klabu hiyo, huku mashabiki wakisubiri kumuona akianza kuonyesha uwezo wake akiwa katika jezi ya timu hiyo.
Stori na Peter Jinanai | GPL – TUDACO
