Kampuni ya mawasiliano ya Yas imeungana na washiriki wengine kushiriki katika mbio za kwanza za Tanzania-China Nyerere Run 2026, zilizofanyika Oktoba 14, 2026, jijini Dar es Salaam, kwa lengo la kumuenzi Baba wa Taifa, Mwalimu Julius Kambarage Nyerere.
Mbio hizo zilianzia na kuhitimishwa katika kituo cha EACLC, Ubungo, zikileta pamoja washiriki katika shughuli iliyolenga kuenzi urithi wa Mwalimu Nyerere, kuhamasisha wananchi kujenga utamaduni wa kufanya mazoezi kwa ajili ya afya bora, pamoja na kuadhimisha urafiki wa kihistoria kati ya Tanzania na China.
Ushiriki wa Yas katika mbio hizo unaonesha namna kampuni hiyo ilivyojumuika na wadau wengine katika shughuli zinazohamasisha afya na ustawi wa jamii, huku ikiunga mkono juhudi za kuendeleza uhusiano wa kirafiki kati ya Tanzania na China.
Tanzania-China Nyerere Run 2026 imekuwa sehemu ya shughuli zinazokutanisha wananchi katika kuenzi mchango wa Mwalimu Nyerere, ambaye alijulikana kwa mchango wake katika historia ya Tanzania, mshikamano wa kitaifa na ushirikiano wa kimataifa.
Kupitia mbio hizo, washiriki walipata fursa ya kuunganisha mazoezi ya mwili na kumbukizi ya urithi wa Baba wa Taifa, sambamba na kuendeleza ujumbe wa urafiki na ushirikiano kati ya mataifa hayo mawili.
