Kocha mwenye uzoefu, Roberto Mancini, anatarajiwa kurejea kuinoa timu ya taifa ya Italia baada ya kufikia makubaliano ya kuiongoza tena timu hiyo.
Kwa mujibu wa mwandishi wa masuala ya usajili, Fabrizio Romano, Mancini mwenye umri wa miaka 61 amekubali kurejea katika benchi la ufundi la Italy national football team kufuatia changamoto ambazo Shirikisho la Soka la Italia lilizipata katika mchakato wa kumtafuta kocha mpya.
Italia imekuwa ikisaka kocha mpya tangu Gennaro Gattuso ajiuzulu mwezi Aprili. Ripoti zinaeleza kuwa mpango wa kumteua Andrea Pirlo haukufanikiwa, jambo lililofungua njia kwa Mancini kurejea.
Mancini aliwahi kuiongoza Italia kwa kipindi cha miaka mitano na kuandika historia kwa kutwaa ubingwa wa UEFA Euro 2020, kabla ya kuondoka mwaka 2023.
Iwapo uteuzi wake utakamilika rasmi, Mancini ataanza kipindi chake cha pili kama kocha wa Italia akiwa na jukumu la kuirejesha timu hiyo kwenye ushindani wa juu wa soka la kimataifa.
