Dstv Yazindua Msimu Wa Tatu ‘Kipindi Cha Harusi Yetu’

KAMPUNI ya Multichoice Tanzania jana imezindua msimu mpya wa Kipindi cha Harusi Yetu ambacho hurushwa katika king’amuzi chake kwenye chaneli namba 160.  Uzinduzi huo umefanyika katika hoteli ya Coral, Masaki jijini Dar.

Akizungumza wakati wa uzinduzi huo, Mkuu wa chaneli ya Maisha Magic Bongo, Barbara Kambogi, alisema baada ya kipindi hicho kuonekana kuwa na mashabiki wengi ambao walikuwa wakikifuatilia kwa ukaribu zaidi, wamelazimika kuzindua sehemu hiyo ya tatu ili waweze kuwaonyesha maudhui bora zaidi.

Pamoja na uzinduzi huo pia Kambogi ameeleza kuwa kwa muda wote sasa watakuwa wakiendelea kushirikiana kwa karibu zaidi na waigizaji wote nchini ili waweze kuitumia chaneli hiyo kutangaza kazi zao.

Dstv  wana vipindi kibao ambavyo hurusha tamthilia na filamu mbalimbali za nchini ikiwemo ya Uber na Mwantumu ambazo zinafanya vyema.

PICHA: MUSA MATEJA | GPL