Maji ya limao ni kinywaji rahisi kinachotengenezwa kwa kuchanganya maji na juisi ya limao mbichi. Kunywa maji ya limao kila siku kunaweza kusaidia kuboresha afya kwa ujumla kwa kutoa virutubisho muhimu, kuimarisha kinga ya mwili na kusaidia kazi mbalimbali za mwili.

Kwa mujibu wa tovuti ya afya ya Healthline, glasi ya juisi iliyokamuliwa kutoka gramu 48 za limao ina takribani kalori 10.6 na virutubisho vifuatavyo:

• 21% ya kiwango cha kila siku cha vitamini C

• 2% folate

• 1% potasiamu

• 1% vitamini B1

• 1% vitamini B5

• 0.5% vitamini B2

Vitamini C husaidia kuimarisha kinga ya mwili na kulinda mwili dhidi ya magonjwa.

Kuchanganya juisi ya limao na maji ni njia rahisi na yenye afya ya kudumisha unyevunyevu mwilini. Maji ya limao pia yana faida nyingi kiafya kutokana na virutubisho vyao.

1. Huongeza Kiasi cha Vitamini C

Limao lina vitamini C nyingi, antioxidant inayolinda seli dhidi ya free radicals zinazoweza kusababisha uvimbe na magonjwa mbalimbali. Vitamini C pia husaidia:

• Uzalishaji wa collagen na L-carnitine

• Metabolism ya protini

• Urejeshaji wa antioxidants

• Usogeaji wa chuma mwilini

• Uzalishaji wa homoni

• Kupunguza hatari ya baadhi ya saratani na magonjwa ya moyo

Ukikosa vitamini C mwilini unaweza kupata: kuongezeka kwa hatari ya maambukizi, ngozi kavu, macho kavu, kinywa kavu, uchovu, usingizi mdogo, na upotevu wa meno.

2. Husaidia Kupunguza Uzito

Kunywa maji ya limao kunasaidia kuongeza unywaji wa maji kwa ujumla, kuchochea hisia ya utoshelevu, na kuongeza kiwango cha metabolism. Maji ya limao ni yenye kalori chache, rahisi kutengeneza, na yanaweza kuchukua nafasi ya vinywaji vyenye kalori nyingi, hivyo kusaidia kudhibiti uzito.

3. Badilisha Vinywaji Vyenye Sukari

Maji ya limao ni mbadala wa asili na wenye afya kwa vinywaji vyenye sukari. Kunywa vinywaji vyenye sukari mara kwa mara husababisha kuongezeka kwa uzito, unene wa kupita kiasi, kisukari aina ya 2, magonjwa ya moyo, figo, ini, kuoza kwa meno, na gout.

4. Kuzuia Mawe ya Figo

Asidi ya citric iliyopo kwenye maji ya limao inaweza kusaidia kuzuia mawe ya figo kwa kuongeza kiwango cha mkojo na kuongeza pH, hali inayofanya mazingira ya figo kuwa yasiyofaa kwa uundaji wa mawe. Watu waliokuwa na mawe ya figo wanaweza kuchanganya ml 113 ya juisi ya limao na maji pamoja na dawa zao ili kuzuia kurudiwa kwa mawe. Citrate, sehemu ya asidi ya citric, inaweza kupunguza asidi ya mkojo na kusaidia kuvunja mawe madogo.

5. Kusaidia Utumbo na Usagaji Chakula

Kunywa maji ya limao kabla ya mlo kunaweza kuboresha usagaji chakula. Asidi ya citric inachochea uzalishaji wa asidi tumboni, ambayo husaidia kuvunja chakula. Watu wenye matatizo ya tumbo wanapaswa kuwa makini kunywa maji ya limao kwa tumbo tupu.

Jinsi ya Kutengeneza Maji ya Limao

• Kamulia nusu limao ndani ya ml 230 ya maji ya moto au baridi.

• Maji ya limao yanaweza kunywewa kama yalivyo au kuongeza: majani ya mint, kijiko kimoja cha syrup ya maple au asali safi, kipande cha tangawizi au tango, tone la mdalasini, au kiasi kidogo cha manjano (turmeric).

• Anza asubuhi yako kwa glasi ya maji ya limao ya moto na weka chupa tayari kwenye friji ili kunywa kidogo kidogo siku nzima.

Kupunguza Madhara ya Maji ya Limao

Maji ya limao kwa kawaida ni salama, lakini asidi yake inaweza kuharibu enamel ya meno kwa muda. Ili kupunguza hatari:

• Kunywa kwa kutumia straw (kijiko cha kunywa).

• Kumbuka kunawa kinywa kwa maji safi baada ya kunywa.

TRUMP AIFUNGULIA KESI BBC KWA KASHFA YA UHARIRI, AKITAKA FIDIA YA DOLA BILIONI TANO