Kocha wa Manchester United Ten Hag Kumshusha Jude Kutoka Borussia Dortmund
IMEFICHUKA kuwa, Jude Bellingham yuko kileleni mwa orodha ya wachezaji wa nafasi ya kiungo wanaohitajika na Kocha wa Manchester United, Erik ten Hag mbele ya Frenkie de Jong.
United walimfanya De Jong kuwa kipaumbele chao kikuu katika dirisha la usajili la majira ya joto kwa ombi la Ten Hag, lakini hawakuweza kumshawishi mchezaji huyo wa kimataifa wa Uholanzi kuondoka Barcelona.
Badala ya De Jong, United walifanikiwa kukamilisha dili la pauni milioni 70 kumsajili Casemiro kutoka Real Madrid, majira ya kiangazi na mchezaji huyo wa kimataifa wa Brazil amekuwa na kiwango kizuri tangu atue Old Trafford.
Lakini Ten Hag bado ana nia ya kuimarisha safu yake ya kiungo zaidi mwishoni mwa msimu huu. Kulingana na Daily Mirror, United ni miongoni mwa klabu zinazotaka kumsajili Bellingham na Ten Hag anataka klabu hiyo itoe kipaumbele kwa ajili ya kumnunua mchezaji huyo mwenye umri wa miaka 19 msimu ujao wa joto.
Ripoti hiyo pia inadai kuwa Ten Hag ameahidiwa fedha zaidi, ili kuimarisha kikosi chake na uamuzi kuhusu Bellingham ulifanywa na meneja wa United na Mkurugenzi wa Soka wa klabu hiyo, John Murtough.
Mapema wiki hii, Bild iliripoti kwamba Dortmund itahitaji Pauni Milioni 150 kwa Bellingham msimu ujao wa joto na klabu hiyo ya Ujerumani, huku klabu hiyo ikiweka wazi haipo tayari kumpoteza kiungo wao nyota mwishoni mwa msimu huku Manchester City, Chelsea, Liverpool na Real Madrid zikiwa pia zimeonyesha nia yao.
De Jong akizungumzia sakata la kuondoka kwake Barcelona alifichua kuwa Rais wa Barcelona, Joan Laporta ni miongoni mwa wale waliokuwa wakijaribu kumshawishi kuondoka Camp Nou.
“Nilikuwa mtulivu,” De Jong aliiambia Ziggo Sport. “Niliamua Mei kwamba nilitaka kubaki, maoni yangu hayakubadilika katika kipindi chote hicho. Nilikuwa mtulivu. Lakini basi unajua shinikizo lilikuja kutoka kwa magazeti, kutoka kwa rais. Kutoka kila mahali kwa kweli. Lakini nilitaka kubaki Barca ili isinisumbue kamwe.”
