MTOTO WA KIM APATA RAFIKI WA KIUME

MAISHA kweli hayana usawa! Mtoto wa mwanamitindo Kim Kardashian, North West ametengeneza ‘headlines’ kibao mitandaoni baada ya kupata rafiki wa kiume. North West (5), amepata rafiki huyo wa kiume ambaye ni mtoto mwenzake mwenye miaka 7, Caiden Mills.

Caiden pia ni mtoto wa rapa, Consequence ndiye aliyeanza kuonesha viashiria kuwa anatoka na North West baada ya kutumia vizuri Sikukuu ya Wapendanao kwa kumzawadia North boksi la Chokolate kutoka kampuni ya Tiffany.

Hata hivyo inaelezwa kuwa, Februari 6, mwaka huu Caiden aliwahi kufanya siri kwa kumzawadia North begi lenye rangi ya bluu na kuandika; “Piga kelele kwa North, binti wa kike nitakuona hivi karibuni.”

Baada ya maneno hayo, aliambatanisha na kikatuni kinachoonesha mtu akibusu. Wazazi wa watoto wote hawajafungukia chochote kinachoendelea kati ya North na Caiden.

NEW YORK, MAREKANI