The House of Favourite Newspapers

Baba Diamond Ashinda Njaa

4

MSIKIE BABA DIAMOND AKIFUNGUKA
NA WAANDISHI WETU, Risasi Jumamosi

DAR ES SALAAM: Wakati mwanaye staa wa Bongo Fleva, Nasibu Abdul ‘Diamond’, mama yake mzazi, Sanura Kassim ‘Sandra’, mzazi mwenzake, Zarinah Hassan ‘Zari The Boss Lady’ na mwanaye Tiffah wakiteketeza kiasi cha fedha kinachokadiriwa kufikia  shilingi Mil.100 barani Ulaya walikokwenda kula bata, baba mzazi wa msanii huyo, Abdul Juma anadaiwa kushinda njaa kutokana na ugumu wa maisha, twende na Risasi Jumamosi.

IMG_3230

Baba mzazi wa staa wa Bongo Fleva, Nasibu Abdul ‘Diamond’, Mzee Abdul Juma.

Diamond na familia yake hiyo sambamba na madansa wake, waliondoka nchini mwishoni mwa wiki iliyopita kwenda Frankfurt, Ujerumani ambapo pamoja na kufanya ziara ya kimuziki katika nchi tofauti balani Ulaya, staa huyo aliitumia ziara hiyo kuponda raha.

diamond1Staa wa Bongo Fleva, Nasibu Abdul ‘Diamond’, mzazi mwenzake, Zarinah Hassan ‘Zari The Boss Lady’ pamoja na mtoto wao Tiffah wakila ‘bata’ Ulaya.

TUJIUNGE NA CHANZO
Chanzo makini kililiambia gazeti hili mapema wiki hii kuwa, baba Diamond kwa sasa ana maisha magumu na mara nyingi amekuwa akishinda njaa huku baadhi ya majirani wakimpa msaada hali inayowasababisha kushangaa baada ya kusoma kwenye magazeti kwamba mwanaye huyo anatumbua fedha kibao na familia yake, ndugu na marafiki huku mzazi wake huyo akiteseka.

mama d ulaya1

Familia ya Diamond Platnumz ‘wakitumbua’ Ulaya.

“Jamani baba Diamond anateseka! Muoneeni huruma. Alikuja kwangu kuniomba elfu moja lakini bahati mbaya na mimi sikuwa nayo. Mara nyingi amekuwa akishinda njaa. Mbaya zaidi anasumbuliwa na ugonjwa wa miguu na hana mtu wa kumpeleka hospitali. Njooni mumuone yupo hapa  kwake anatia huruma,” kilisema chanzo hicho na kuongeza:

“Kiukweli baba Diamond anasikitisha sana. Tunashindwa kujua tatizo liko wapi kati yake na mwanaye, maana kuna wakati huwa anamsaidia lakini wakati mwingine anampotezea.”

MAPAPARAZI WAMUIBUKIA
Baada ya kuzipata habari hizo, mapaparazi wetu walifika nyumbani kwa baba Diamond, Magomeni ya Kagera jijini Dar na kumkuta nje ya nyumba yake akiwa ameshika tamaa huku akionesha hali ya kunyong’onyea kama mtu aliyekata tamaa ya maisha.

IMG_3235-001Mzee Abdul Juma.

HALI YAKE NI MBAYA
Akizungumza na gazeti hili baada ya salamu, baba Diamond alieleza kwamba bado hali yake ya miguu ni mbaya kwani anatembea kwa kuburuza laiti angekuwa kama zamani angeweza kufanya shughuli ndogondogo za kujipatia kipato angalau apate fedha kwa ajili ya kula hasa katika kipindi hiki ambacho hana msaada.

3-1

“Niko hapa bado mambo siyo mazuri, miguu inanisumbua kama unavyoona. Nasikia mwanangu (Diamond) ana ziara nje ya nchi na juzi niliona mmeandika ameteketeza milioni 100  na familia yake, namsubiri akirudi huko naamini atanisaidia angalau fedha hata ya kwenda kwenye matibabu na kula kama ataamua maana alishawahi kuniahidi, hali yangu siyo shwari nabangaiza tu hapa,” alisema baba Diamond.

diam

DIAMOND ASEMAJE?
Alipotafutwa Diamond aliyeko Ujerumani kwa sasa ili aweze kuzungumzia suala hilo alisema hana cha kuzungumza kwa sasa.
“No comment kwa sasa, subirini nikirudi tutaliongea hilo kwa kirefu,” alisema Diamond.

ALIOKWENDA NAO ULAYA
Katika gazeti lenye udugu wa damu na hili, Ijumaa Wikienda la Jumatatu iliyopita, ukurasa wake wa mbele lilikuwa na kichwa kisemacho; DIAMOND
ATEKETEZA SH. MIL 100 ULAYA.
Katika habari hiyo, Diamond aliandikwa kusafiri na ‘ujumbe’ mrefu wa idadi ya watu 14 ambao wote walikuwa chini yake kwa malazi na chakula. Watu hao ni Zari, mama yake mzazi, Tiffah (mwanaye), Romy Jons (DJ wake), Kifesi (mpigapicha), Salam (meneja), mke wa meneja wake mwingine Batu Tale, madansa wanne na dada mmoja ambaye ni ndugu wa Zari. Hao walikwea pipa na kufikia Frankfurt, Ujerumani.

BABA DIAMOND AMEFIKAJE HAPA?
Baba Diamond anadaiwa akiwa angali kijana, alitengana na mama Diamond akiwa na mtoto huyo mdogo kwa miaka mingi bila kumpa huduma zozote kitu ambacho kimemsukuma Diamond kuwa na chuki na ashindwe kumpa matunzo mzazi wake huyo baada ya kupata mafanikio.
Hata hivyo, mara kadhaa Diamond amekuwa akimsaidia fedha baba yake huyo lakini si kwa asilimia mia moja kama anavyomtunza mama yake ambaye anaonekana kula raha hususan kipindi hiki ambacho bwana mdogo huyo kutoka Tandale, maisha yamemnyookea.

Gladness Mallya, Erick Evarist na Richard Bukos.

4 Comments
  1. Mariam Hoza says

    Kwani ni lazima amsaidie kupitia media? Baba akae kimya akitaka kutoa msaada atatoa lakini sio kila leo kulalamika kwenye vyombo vya habari. Ni hiari yake sio lazima. Hata dini zinatuambia ukitoa msaada kaa kimya usipige debe. Naamini Diamond atamsaidia lakini sio kupitia media.

  2. JOJO says

    Good morning,
    Yani miye nashangaa sana baba yake Diamond siku zote ana chakula ila siku mwanae kasafiri ndo kakosa chakula? ebu jamani acheni kuandika maneno siyo kweli ili muuze magazeti.

  3. jojo says

    BABA diamond alimtelekeza huyo mtoto hakuwahi kumpa chakula,mavazi wala elimu ambacho ndio kitu kikubwa mno na cha upendo hata kama alikua amegombana na mzazi mwenzie mama diamond, yeye asingejari yote angetoa huduma lakini hakufanya hivyo aliwatelekeza. Huyo mama mzazi ndie aliyeteseka usiku na mchana kujua diamond amekula amekunywa na amelala pia mavazi aliteseka mno akajitahidi kumpa mwanae elimu ambao haikumtosheleza na alikatisha kisa hana pesa, wakati huo huyo baba anakula bata na kujirusha kwa mbele!!! hebu tusiwe wanafiki hapo huyo baba ahurumiewe kwa lipi??! je mtoto anae huyo tu?! mbona haendi kuomba msada kwa huyo mwanae mwingine quen Darlin sijui khadija mie simjui vizuri ila ana mtoto tena mtafutaji, please muacheni diamond ametoka mbali na mama yake ameteseka anatakiwa sasa apumzike kwa raha zake na familia yake

  4. Fad josee says

    Baadhi ya wazazi hujithamini kuliko watoto wao na Mara nyingine kuwatelekeza sasa wanategemea hao watoto wakifanikiwa watawajali??! Ni muujiza mkubwa kama ikitokea. Malipo in hapahapa kwa dunia. Mimi mwenye I don’t give a shit kwa mzazi asiyenijali. Kwanza hii habari ime-fuck off my mood.

Leave A Reply