Wateule Tuzo ya BBC kwa Mchezaji Bora Afrika 2018 Watangazwa

Last updated Nov 18, 2018

Wachezaji wa soka barani Afrika walioorodheshwa kuwania tuzo ya Shirika la Utangazaji la Uingereza (BBC) kwa mwanasoka bora zaidi mwaka huu ni Medhi Benatia (Morocco), Kalidou Koulibaly (Senegal), Sadio Mane (Senegal), Thomas Partey (Ghana) na Mohamed Salah (Misri).

Upigaji kura ulianza jana (Jumamosi) rasmi Novemba 17 saa nne usiku kwa saa ya Afrika Mashariki na utakamilika mwezi Desemba 2, mwaka huu saa tano usiku. Mshindi wa tuzo hiyo atatangazwa katika kipindi cha BBC World News Desemba 14 mwaka huu saa mbili na nusu kwa saa ya Afrika Mashariki.

Orodha ya waliyoteuliwa imeandaliwa na jopo la wataalamu wa kandanda barani Afrika. Mshambuliaji wa Liverpool Salah ndiye aliyeshinda tuzo ya mwaka jana. Wachezaji wengine waliowahi kushinda tuzo hiyo ni pamoja na Jay-Jay Okocha, Michael Essien, Didier Drogba, Yaya Toure na Riyad Mahrez.

Beki wa kati wa Juventus Benatia, 31, ameshinda ligi mara nne mfululizo mwaka huu – mbili kati hizo akiwa na Bayern Munich na mbili zingine akiwa Juve. Pia alikuwa nahodha wa Morocco katika michuano ya Kombe la Dunia ya msimu wa joto mwaka huu.

Mlinzi wa Napoli Koulibaly, 27, aliiwakilisha katika klabu hiyo kuchuana dhidi Juve katika kinyang’anyiro cha fainali ya ligi ya Serie A ya Italia ikiwa ni pamoja na ushindi maarufu dhidi ya miamba hao wa ligi ya mabingwa.

Sadio Mane, aliichezea Senegal dakika zote 270 katika michuano ya Kombe la Dunia. Mshambuliaji huyo wa Liverpool mwenye umri wa miaka 26, pia aliiongoza nchi yake kuishinda Japan. Alikuwa mfungaji bora wa pili katika ligi ya mabingwa wa Ulaya msimu uliyopita — aliifungia Liverpool mabao 10, ikiwa ni pamoja na bao moja aliyoifungia walipochapwa 3-1 na Real Madrid katika fainali.

Kiungo wa kati wa Atletico Madrid Partey, 25,alichaguliwa kuwa katika kikosi cha kwanza cha Diego Simeone baada ya kuonyesha umahiri ikiwa ni pamoja na kuwa mchezaji wa ziada katika fainali ya ligi ambapo waliishinda Marseille.

Mshambualiaji wa Liverpool Salah, 26, alishinda taji la mfungaji wa mabao mengi zaidi (32) katika ligi kuu ya England mwezi Mei. Sawa na Mane, alifunga mabao 10 katika ligi ya mabingwa kuelekea fainali. Aliifungia Misri mabao yote ya kombe la Dunia.