MIAKA 54 YA JWTZ: JENERALI MABEYO, MAKONDA WAFANYA USAFI

Last updated Sep 1, 2018

Mkuu wa Majeshi ya Ulinzi (JWTZ), Jenerali Venance Salvatory Mabeyo (wa kwanza mbele kushoto) na Mkuu wa Mkoa wa Dar es Salaam, Paul Makonda (kulia) wakifyeka nyasi kusafisha mazingira katika kuadhimisha miaka 54 ya JWTZ katika kambi ya Lugalo, Dar es Salaam.

Wakuu hao wakiwa mstari wa mbele katika zoezi hilo.

Baadhi ya askari wa JWTZ walioshiriki zoezi hilo la usafi.

Zoezi likiendelea kwa nguvu.

Ilikuwa ni juhudi na maarifa..

Jenerali Mabeyo akiendeleza mapambano.

MKUU wa Majeshi yaUlinzi nchini (JWT), Venance Salvatory Mabeyo na Mkuu wa Mkoa wa Dar es Salaam, Paul Makonda, wameongoza maadhimisho ya mwaka wa 54 tangu kuundwa kwa jeshi hilo, kwa kufanya usafi jijini Dar es Salaam.

Mabeyo na Makonda mapema leo wamefanya usafi katika eneo la Kambi ya JWTZ eno la Lugalo jijini Dar es Salam sambamba na viongozi mbalimbali wa jeshi hilo.

Akizungumza mara baada ya zoezi hilo, Jenerali Mabeyo amesema jeshi lake lipo imara na litahakikisha amani na utulivu vinatawala katika taifa na hivyo wananchi waendelee kuliamini jeshi hilo.

Kwa upande wake Paul Makonda, ambaye alikuwa mgeni rasmi katika hafla fupi iliyofanyika katika viwanja vya jeshi hilo vilivyopo Mwenge, amelipongeza jeshi hilo kwa ukakamavu wake hasa kwa namna ambavyo lilipita mbele likionyesha namna linavyoweza kufanya kazi yake kupitia mbwa wenye mafunzo maalum na kuahidi kuendelea kushirikiana na jeshi hilo katika shughuli mbalimbali hasa za kijamii.

jenerali mabeyo Paul Makonda