VIDEO: Bilionea Namba 2 Duniani, Bill Gates Atua Bongo

Last updated Aug 10, 2017

Mkuu wa Wilaya ya Muheza Mkoani Tanga, Mhandisi, Hajat Mwanasha Tumbo (kushoto) akiwa na Bill Gates pamoja na mmoja wa viongozi wa kinamama wa wilaya hiyo katika kata ya Kicheba Wilayani humo mkoani Tanga jana

BILIONEA namba mbili duniani na Mwanzilishi wa Kampuni ya Microsoft, William Henry Gates III, ‘Bill Gates’ ametua nchini kwa ajili ya kujifunza namna ya utoaji chanjo kwa magonjwa ya Matende, Mabusha, Minyoo na mengineyo katika Wilaya ya Muheza mkoani Tanga. Gates pia amaewahi kukaa namba moja kwa miaka mingi kabla ya kuondolewa katika nafasi hiyo hivi karibuni.

Gates alifika jana katika Kijiji cha Kicheba na kujifunza namna gani chanjo ya magonjwa ya Matende, Minyoo, Mabusha na mengine ya aina hiyo inavyotolewa, kisha akapata chakula na watoto yatima Kata ya Kicheba, kabla ya saa 7 mchana kurudi tena Tanga mjini.

Bill Gates akiwa katika picha ya pamoja na uongozi wa wilaya ya Muheza akiwamo Mkuu wa Wilaya Mkuu wa wilaya ya Muheza Mkoani Tanga, Mhandisi, Hajat Mwanasha Tumbo na Mbunge Mhe Adadi Rajabu (wa nne kulia) katika kata ya Kicheba Wilayani humo mkoani Tanga jana

Hata hivyo, ujio wake ulikuwa wa kimyakimya bila kuwa na mbwembwe nyingi kama ambavyo watu wengi wamezoea kuwaona watu maarufu wa aina hiyo wakifanya ingawa inasemekana anahitaji kuonana na Rais John Magufuli.

Mkuu wa Wilaya ya Muheza, Hajat, Injinia Mwanasha Tumbo amethibitisha ujio wa bilionea huyo kutembelea wilayani kwake.

“Amekwishaondoka, ugeni wake ulikuwa ni wa saa chache tu kwa ajili ya kujifunza namna ya chanjo ya magonjwa mbalimbali inavyotolewa, baada ya hapo akarudi Tanga.

Makonda Akataa Kuomba Radhi Clouds Media Kwasababu Hizi Hapa

billgates Rais John Magufuli