Elsy Wameyo Adondosha ‘Nilotic’ – Video

MWANAMUZIKI maarufu nchini Kenya, ambaye kwa sasa anafanya shughuli zake za muziki nchini Australia, Elsy Wameyo ameachia kibao kipya ‘Nilotic’ ikiwa ni katika mfumo wa audio na video.

Ujio huu wa msanii huyu mrembo, Elsy ni matayarisho ya kudondosha EP yake mpya mapema mwakani, Januari, 2022.

Akizungumzia kazi hiyo, Elsy Wameyo amesema, “Nilotic ni wimbo ambao unaangazia vitu vilivyokosekana kwenye jamii yangu. Nimeongelea mengi mfano ukatili wa polisi na ubaguzi wa rangi unaotuathiri sote ulimwenguni .

“Nilianza kuandika mpango wa mchezo; wakidai kurudisha kile adui alichoiba. Moyo wangu ulilia mpaka haukuweza tena. Lakini nilivyowakumbuka mama zetu, sikuthubutu kudondosha chozi jingine. Mimi ni nani?”

Akiwa anatoka katika makabila ya Kiniloti ya Kenya, Elsy huchunguza kwa fahari kujitambulisha kwake katika kila toleo, huku akiuliza maswali kuhusu urithi na usawa wa miundo ya jamii.

“Nilotic” inaarifiwa na malezi ya Elsy katika jiji la Australia la Adelaide, ambapo aliimba katika kwaya za kanisa lake tangu akiwa na umri mdogo.

NA MWANDISHI WETU