JESHI la Polisi Kanda Maalum ya Dar es Salaam linamshikilia, Rajabu Mohamed(25) anayejifanya ni Freemason na amekuwa akifanya ukatili,unyanyasaji wa kijinsia na kupora mali hasa kwa wanawake, kuwatishia anaowafanyia ukatili kuwa wakitoa taarifa zake atawaua kwa kuwanyonya damu na kuwakata sehemu zao za siri.
Akizungumza leo Februari 26, kuhusu kukamatwa kwa mtu huyo, Kamanda wa Polisi Kanda Maalumu ya Dar es Salaam, Lazaro Mambosasa amesema polisi walimkata mtuhumiwa huyo maeneo ya Mwenge ambako ndiko anakoishi.
Amesema mtu huyo amekuwa akitumia gari naomba T 172 BLH aina ya Fun Cargo rangi ya Silva ambapo amekuwa akikamata wanawake kwa kuwalaghai kuwa ni mfanyabiashara na wakishaingia kwenye gari lake hutumia nguvu na kuwanyang’anya vitu vilivyomo kwenye mabegi na kuwatishia yeye ni freemasonry hivyo anaweza kuwanyonya damu. Baada ya kunyang’anya mabegi hayo huanza kuwazungusha barabarani huku akiwatisha kuwa yeye ni Freenason na kuwa atawaua kwa kuwanyonya damu au kukata sehemu zao za siri.
“Kupitia vitisho hivyo huwalazimu wotoe namba za siri za simu zao na kuchukua kadi zao za benki na kuwaibia fedha zao kwenye ATM na baada ya hapo kuwashusha na kuwatelekeza kwenye vichochoro. Huyu mtu tumemuhoji anasema kwa sasa ameacha,ukimuangalia sura yake ni ya binadamu lakini ni mnyama wa hali ya juu kabisa.Amefanya mambo mengi ya kishenzi.
“Tunaendelea na taratibu nyingine na baada ya hapo atapelekwa mahakamani ili ajibu tuhuma za makosa ambayo yanamkabili ,Sheria tunataka ichukue mkondo wake, si mtu mwema hata kidogo ingawa sura yake ni ya kibinadamu,” alisema Mambosasa.
MSIKIE MAMBOSASA AKIFUNGUKA
Comments are closed.