Kikwete Aongoza Mazishi ya Jaji Msuya Dar

Last updated Jul 22, 2017

Mwili wa aliyekuwa Jaji wa Mahakama Kuu ya Tanzania, Upendo Msuya ukishushwa kwenye gari maalum katika makaburi ya Kinondoni Dar kwa ajili ya pumziko la milele.

RAIS Mstafu wa Serikali ya Awamu ya Nne, Dkt.Jakaya Mrisho Kikwete amewaongoza waombolezaji waliofika katika makaburi ya Kinondoni jijini Dar es Salaam katika kupumzisha mwili wa aliyekuwa Jaji wa Mahakama Kuu ya Tanzania, Jaji Upendo Msuya aliyefariki dunia hivi karibuni.

Kutoka kushoto ni Kaimu Jaji Mkuu wa Tanzania Prof. Ibrahim Khamis, Rais Mstaafu wa Serikali ya Awamu ya Nne Dkt. Jakaya Kikwete na mkewe mama Salma Kikwete wakiwa makaburini.

Mamia ya waombolezaji walijitokeza kwenye mazishi hayo wakati wa kuupumzisha mwili wa Msuya kwenye nyumba yake ya milele ambapo viongozi mbalimbali wa kiserikali akiwemo Waziri wa Katiba na Sheria, Prof. Paramagamba Kabudi na Spika Mstaafu Anne Makinda walijumuika kumsindikiza.

…ibada fupi ikiendeshwa kabla ya kupuzisha mwili wa Upendo katika nyumba yake ya milele.

Jaji Msuya alifariki Jumatano, Julai 19 akiwa katika Hospitali ya Kairuki alipokuwa amelazwa baada ya kuugua kwa muda mrefu ugonjwa wa kiharusi.