NCBA Yatoa Tuzo Kubwa za Washindi wa Kampeni ya Mpawa

Last updated Nov 22, 2022

Mkuu wa Kitengo cha Ukaguzi wa Ndani wa Benki ya NCBA Bw. Peter Kimweri akiwa na washindi Bw. Martin Simbeye (wa pikipiki) na Bw. Zebedayo Mwasongole (wa mil5). Pembeni ya washindi ni Bw. Fredrick Limbeghala Mkuu wa Kitengo cha Benki Kidijitali pamoja na wafanyakazi wengine wa benki hiyo.

DAR ES SALAAM, tarehe 19 Novemba. Benki ya NCBA kwa mara nyingine tena, na kwa raundi ya mwisho katika ‘Chuzi limekubali’, yatoa pikipiki mpya na zawadi kubwa za pesa kwa washindi wakuu wa kampeni yao ya M-Pawa. Mara hii hafla hiyo ilifanyika katika soko la Tegeta Nyuki tarehe 19 Novemba, 2022.

Kampeni hiyo yenye mafanikio makubwa inadaiwa pongezi zake kwa ushirikiano kati ya Vodacom Tanzania, kampuni inayoongoza kwa utoaji wa huduma za mitandao ya simu nchini, na benki ya NCBA, ambayo hivi karibuni imetangazwa kuwa Benki Bora ya Kidijitali ya mwaka 2022 nchini Tanzania kwa Mapitio ya Fedha na Global Magazine.

Peter Kimweri, Mkuu wa Ukaguzi wa Ndani katika benkiya NCBA, alisema kuwa kampeni hii imekuwa na juhudi za mabadiliko ya tabia ili kuhimiza Watanzania kuchukua tabia sahihi za kuweka akiba na ulipaji wa mikopo mapema.

“Tumeona kazi hii kwa manufaa ya benki na hasa wateja wetu. Kupitia M-Pawa wanapata mikopo papohapo na kupitia marejesho yao kwa wakati wanaweza kupata ukuaji wa riba mara kwa mara ili kumudu kuwapa mikopo zaidi kwa riba ndogo.” Alisema.

Bidhaa ya teknolojia ya hali ya juu, M-Pawa, ni kinara cha ubunifu ambacho kimeanzisha huduma ya benki ya kutoa mikopo kupitia pesa za rununu.

Imethibitisha kuwa na faida kwa watu wengi na wamiliki wa biashara ndogo kwani mahitaji yao ya kibinafsi yanaweza kutimizwa na wanaweza kurejesha mikopo kwa wakati unaofaa. Kupitia Chuzi Limekubali, NCBA iliweza kuhamasisha ushiriki mkubwa kwa zawadi mbili zilizopita ambapo jumla ya washindi 6 walizawadiwa pikipiki.

Wakati wa makabidhiano hayo makubwa, washindi bora zaidi walirudi nyumbani na Sh 5 milioni na mwingine akizawadiwa pikipiki mpya kabisa. Tuzo za kwanza zilifanyika Mbagala katika viwanja vya Zakhiem mwezi Septemba, za pili soko la Mabibo, na sasa ili kutoa hamasa kwa jamii ya eneo hilo fainali ya tuzo hizi kubwa imefanyika katika Soko la Tegeta Nyuki.

Wakati wote wa kampeni, wateja wangekuwa na nafasi ya kujishindia hadi Sh.50,000 pesa taslimu watakapolipa ndani ya muda wa siku 6. Aidha, wateja hao wanaoweka akiba na NCBA, kwa kila mwezi, watakuwa na uwezo wa kujishindia mara mbili ya akiba yao kwa kuanzia na kima cha chini cha shilingi 10,000.

“Kampeni hii imegeuza M-Pawa kuwa chombo cha kweli cha uwezeshaji”, alisema mfanyakazi wa NCBA katika hafla hiyo.

“Washindi na wasio washindi hujijengea tabia bora za kifedha huku wakiongeza ufikiaji wao wa rasilimali za kifedha kwa gharama ya chini. Kwa njiahiyo, kila mtu ni mshindi.”

Zawadi kuu ni ya mwisho na inayotarajiwa kuliko zote. Haimaanishi tu kwamba zawadi kubwa itatolewa kwa washindi, lakini inamaanisha taarifa inayotolewa na NCBA ya kujitolea kwake katika kuinua jamii kupitia ushirikishwaji wa kifedha, msaada, na elimu.

Kwa upande mwingine Zebedayo Mwasongole, mshindi mkuu wa zawadi iliyotarajiwa hakuamini macho yake. “Nimefurahisana”, alisema.

Mshindi mwenzie, Martin Simbeye alifurahi kupokea pikipiki ambayo inaweza kuwa chanzo chake kingine cha mapato. Zaidi ya wateja milioni 6 nchini kote wananufaika na matumizi ya M-Pawa. NCBA imeeleza nia ya kuendelea na kampeni hizo katika miaka ijayo ili kuwapa motisha watumiaji na kuhimiza matumizi ya vipengele vya kuvutia vya M-Pawa.