Selena Gomez apata bwana mpya!
Mwanamuziki wa Pop, Selena Gomez akiwa na anayedaiwa kuwa ni mpenzi wake Niall Horan.
Los Angeles, Marekani
MWANAMUZIKI wa Pop, Selena Gomez huenda ameshapata tulizo la moyo wake baada ya kuonekana hadharani na rafiki wa karibu wa Justin Bieber, Niall Horan wakipigana mabusu.
Kwa mujibu wa jarida la US Weekly, juzi (Ijumaa) katika kusherehekea siku ya kuzaliwa ya Jenna Dewan wawili hao walionekana kuingia kila mmoja kwa wakati wake lakini walipokuwa ndani walikuwa karibu sana kiasi cha kupigana mabusu bila wasiwasi.
Jarida hilo linafunguka zaidi kuwa si mara ya kwanza kwa wawili hao kuwa karibu kwani hivi karibuni wakiwa Los Angeles katika Tamasha la Jingle Ball walipanda jukwaani na kupafomu pamoja na imekuwa kawaida yao kutoka ‘out’ na kupata chakula cha usiku pamoja.
Mbali na hiyo, wawili hao pia walikuwa pamoja katika usiku wa tuzo zilizofanyika Los Angeles, Marekani. (AMA)
