VIONGOZI wa chuo cha Jeshi la Usalama wa Taifa la Kimaka kutoka nchini Uganda (KDC) wametembelea kituo cha Mamlaka ya Uwekezaji (EPZA) kilichoko jijini Dar es Salaam kwa lengo la kujifunza na kubadilishana uzoefu katika nyanja za uchumi wa viwanda.
Akizungumza jijini Dar es Salaam Mkurugenzi Mkuu wa kituo hicho, Kanali Mstaafu, Joseph Simbakalia, amesema kuwa viongozi hao wamejifunza namna ya nidhamu ya kuwapokea wawekezaji inayofanywa nchini na namna ya kuwawezesha kupata leseni za biashara kwa masharti maalum.
Aidha wakati akiongea na waandishi wa habari akizungumzia ujio wa ugeni huo wa Uganda, Simbakalia amewataka Watanzania kuthamini bidhaa zao kwa lengo la kukuza uchumi wa ndani na kuongeza pato la taifa nchini.
Kwa upande wake, Mkuu wa Jeshi la Uganda, Andrew Gutti, amesema kuwa wamejifunza kanuni na mazingira rafiki ambayo yanasababisha ukuaji wa uchumi wa nchi ukiwemo usalama kwa wawekezaji.
Chuo cha Kimaka kinajumuisha wanafunzi wa mataifa mbalimbali yakiwemo Tanzania, Burundi, Rwanda na Sudan ya Kusini.
Comments are closed.