Uzinduzi Wa Mashindano Ya Polisi Jamii CUP 2023, Ushirikiano Kati Ya Trafiki Na Kampeni Ya ‘Inawezekana’ Ya SBL

Last updated Oct 15, 2023

Meneja wa Mawasiliano na Uendelevu wa SBL, Rispa Hatibu akizungumza kwenye uzinduzi huo.

Dar es Salaam, 14 Oktoba 2023: SBL inayo furaha kutangaza kuanza rasmi kwa kampeni ya INAWEZEKANA na Mashindano ya USALAMA BARABARANI POLISI JAMII CUP 2023 kupitia ushirikiano wa kipekee kati ya Polisi wa Trafiki wa Tanzania na bidhaa bendera ya SBL, Serengeti Premium Lager.

Tukio hili linawakilisha hatua muhimu katika ahadi yetu endelevu ya kukuza unywaji pombe wa kistaarabu na usalama barabarani katika jamii yetu, huku tukiendeleza msingi uliowekwa na kampeni ya ‘INAWEZEKANA’ iliyozinduliwa hivi karibuni na SBL.

Kamishna wa Polisi wa Tanzania, Faustine Shillogile akimkabidhi cheti Meneja wa Mawasiliano na Uendelevu wa SBL, Rispa Hatibu kwa kutambua mchango wao kwenye michuano hiyo.

USALAMA BARABARANI POLISI JAMII CUP, inayojulikana kwa kujitolea kwake kwa jamii ya waendesha pikipiki, inatoa jukwaa kufikia sehemu muhimu ya jamii yetu. SBL inajivunia kuungana na polisi wa Trafiki wa Tanzania kukuza unywaji pombe wa kistaarabu na usalama barabarani. Ushirikiano huu umepangwa kushirikisha waendesha pikipiki wenye shauku katika ngazi zote za mashindano, kuanzia ngazi ya kata hadi ya Taifa.

Wakati wa uzinduzi huu, Kamishna wa Polisi wa Tanzania, Faustine Shillogile alisema, “Polisi haipo tu kwa ajili ya kuadhibu, bali pia kutoa elimu kwa raia wa Tanzania. Ahadi ya serikali kutoa miundombinu rafiki kwa maendeleo ya kiuchumi inapaswa kuambatana na jukumu la kila mtu kufuata sheria na kanuni, kujilinda sio tu wao wenyewe bali pia wale wanaotumia barabara na hivyo madereva watakaojifunza mafunzo ya msingi kutoka SBL wanapaswa kuzingatia maarifa yatakayotolewa na kuyatekeleza kwa kuwajibikaji wanapotumia vyombo vya moto kwa usalama wetu na wa wenzetu”.

Makamanda wakiwa kwenye picha ya pamoja na wadau.

Meneja wa Mawasiliano na Uendelevu wa SBL, Rispa Hatibu alithibitisha imani ya kampuni hiyo kwamba kunywa kwa uwajibikaji ni jukumu la kibinafsi, akisema, “SBL inaamini kwa dhati kwamba kunywa kwa uwajibikaji huanzia kwa mtu.

Inajumuisha kufanya uchaguzi wenye msingi kuhusu unywaji wa pombe na kuelewa matokeo ya matendo ya mtu barabarani na katika jamii. Kampeni ya INAWEZEKANA inalenga kukuza na kuhamasisha tabia ya unywaji pombe kwa kuwajibika na usalama barabarani katika jamii yetu”.

Kikosi cha moja ya timu zinazoshiriki ligi hiyo ikiwa kwenye pozi la picha.

Afisa Mkuu wa Polisi wa idara ya Trafiki wa Tanzania, Ramadhan Ng’anzi, kwa niaba ya Polisi wa Trafiki wa Tanzania, alieleza azma ya shirika hilo ya kukuza usalama barabarani, na kuzingatia lengo la kuunda nchi isiyo na ajali. Aliweka mkazo jinsi mashindano ya POLISI JAMII CUP 2023, kupitia ushirikiano wa kimkakati na SBL, yanavyolingana katika kufikia lengo hili. Aliongeza,

“Lengo letu kama Polisi wa Trafiki ni kufanya barabara zetu kuwa salama zaidi, kupunguza ajali, na kuhakikisha usalama wa raia wote. Kupitia ushirikiano huu, tunatarajia kukuza tabia ya kuwajibika barabarani. Tunaendelea kufanya kazi kwa bidii kufikia lengo la kuwa na nchi isiyo na ajali na KAMANDA CUP ni hatua muhimu kuelekea kufikia lengo hilo”.

Msingi wa kampeni ya INAWEZEKANA upo katika lengo kuu la SBL la kuongeza uelewa kuhusu umuhimu wa kuwa na tabia chanya katika unywaji pombe na kuzingatia sana umuhimu wa kujizuia. Hivyo, kupitia POLISI JAMII CUP, mashindano ambayo yamejitolea kwa ustawi wa jamii na kukuza usalama barabarani nchini Tanzania. Hatua hii inaonyesha jinsi mashirika ya umma na binafsi yanavyoweza kushirikiana kuleta athari chanya na kukuza tabia za kunywa pombe na uwajibikaji. SBL na Polisi wa Trafiki wa Tanzania wamejitolea kuwa na taifa salama na bila ajali barabarani.

Kuhusu SBL:
Ilianzishwa mwaka 1988 kama Associated Breweries, SBL ni kampuni ya pili kwa ukubwa nchini Tanzania, na chapa zake za bia zilichukua nafasi ya Zaidi ya 25% ya soko kwa ujazo. SBL ina mitambo mitatu ya uendeshaji iliyopo Dar es Salaam, Mwanza na Moshi.
Tangu kuanzishwa kwa SBL mwaka 2002 biashara hiyo imekuza jalada lake la chapa mwaka hadi mwaka. Upatikanaji wa hisa nyingi na EABL/Diageo mwaka 2010 umeongeza uwekezaji katika viwango vya ubora wa kimataifa na kusababisha nafasi kubwa za ajira kwa watu wa Tanzania.

Chapa za SBL zimepokea tuzo nyingi za kimataifa zikiwemo Serengeti Premium Lager, Serengeti Lite, Pilsner Lager, Guinness Stout, na Guinness Smooth. Kampuni hii pia ni nyumbani kwa vinywaji vikali duniani kama vile Johnniew Walker Whisky, Smirnoff Vodka, Gordon’s Gin, Captain Morgan Rum, Baileys Irish Cream, na chapa zinazozalishwa nchini kama vile Bongo Don SBL’S maiden local spirit brand na Smirnoff Orange.

Kwa maelezo zaidi wasiliana na:
Rispa Hatibu,
Meneja Mawasiliano na Uendelevu wa SBL,
Simu: +255 685 260901
Barua Pepe: [email protected]