Group la Rafiki Connet Walivyojionea maajabu ya Hifadhi ya Pugu Kazimzumbwi

Last updated May 3, 2021

Safari ilipoanzia. Ukipita Barabara ya Pugu iliyokatisha katikati ya hifadhi ya mazingira ya Pugu Kazimzumbwi unaweza kuichukulia poa hifadhi hiyo usijue kama ndani yake unaweza kuinjoi vyakutosha pamoja na kujionea maajabu kibao.

Muongoza watalii (kulia) akiwaonesha watalii hao ramani ya hifadhi hiyo yenye milima, misitu, mapango mabwawa nakadhalika. Ukweli ni kwamba ukiingia kwenye hifadhi hiyo utajionea mambo mengi sana ya kustaajabisha ambayo hukutegemea kukutana nayo.

Cheki walivyojiachia kwenye beach ya Ushoroba ndani ya hifadhi hiyo.

Jumamosi iliyopita Grupu la Watanzania wanaofanya kazi na Kampuni ya Utalii ya Rafiki Connect walitembelea hifadhi hiyo na kujionea mambo mbalimbali ikiwemo pango kubwa la popo ambao kila siku majira ya usiku wote kwa pamoja wanatoka kwenye pango hilo na kwenda Hospitali ya Taifa ya Muhimbili kutafuta chakula na kurudi.

jamaa wakiingia ndani ya pango la popo.

Maajabu yaliyopo kwenye msitu huo ni mengi ikiwemo eneo la matabiko ya kizaramo ambapo hutakiwi kufika eneo hilo kama hauko safi yaani usiwe umevuta bangi wala kuchepuka bila kuoga.

Sehemu ya popo ndani ya pango hilo.

Muongoza watalii akimsaidia Dada Noela kupandisha mlima wa hifadhi hiyo alipokuwa akielekea kileleni kufika kwenye kilele hicho si mchezo.

Sifa ya kumaliza kutalii hifadhi hiyo ni kupandisha mlima huo mpaka kileleni na kuliona vizuuuri jiji la Dar es Salaam lakini kasheshe kubwa ni jinsi ya kufika kileleni hapo. HABARI/PICHA: RICHARD BUKOS /GPL