KAMPUNI ya Vinywaji baridi ya Heineken jana (Novemba 30) walizindua bidhaa mpya aina ya Amstel (ya chupa) katika soko la Tanzania.
Akizungumza katika uzinduzi huo uliofanyika jijini Dar es Salaam, Meneja Mkuu wa Afrika Mashariki ya Heineken Afrika, Uche Unigwe alisema kuwa kuanzishwa kwa bidhaa ya Amstel kumetokana na mahitaji ya ongezeko la Watanzania wanaohitaji aina tofauti ya bia bora kwenye soko.
“Tumeamua kuanzisha Amstel katika soko la Tanzania baada ya kufanya utafiti wetu na kugundua kwamba kuna watumiaji wetu wengi wanaopenda kuburudika nayo baada ya kufanya shughuli zao za kila siku.
“Pia tumegundua kuwa, wanywaji wa bia wa Amstel wanakuwa na chaguo la kushirikiana bila dhabihu na bia ambayo inasababisha uaminifu wa uchaguzi wa bidhaa za ziada bila kupoteza ladha au picha.”
Utofauti na ubora wa Amstel unasababishwa na ladha yake yenye uchungu ulio katika kiwango ya kuvutia ambao umesababisha ijulikane duniani kote na hata leo hii ambapo imezinduliwa zaidi ya nchi 100 zinafurahia kuwa na kinywaji cha Amstel.
Naye Meneja wa Heineken Tanzania, Michael Mbungu aliongeza kuwa, Amstel ni pendekezo la kushinda kwa wauzaji na waendeshaji wa juu na kwamba inatoa njia mbadala ya uteuzi katika kuichagua.
“Kuingia kwa bia ya Amstel kunaiongezea kasi katika kubadilisha biashara ya soko la Heineken ndani ya Afrika Mashariki kwa kuwa inaongeza mzunguko wa kibiashara, pia inaongeza kiwango na kuimarisha sehemu nyingine kupitia bidhaa hiyo,” alisema Michael Mbungu na kuongeza;
“Heineken Tanzania kupitia bidhaa ya Amstel pia itahusika katika mfululizo wa ushirikiano wa nchi na matukio ya saruji. Zaidi ya hayo, Amstel pia ni wadhamini rasmi wa Europa League hivyo tunatarajia kuleta kasi ya mchezo mzuri kwa kanda, kama unafahamu kuwa Ligi ya Europa inakua siku hadi siku.”
Amstel inapatikana katika maduka ya rejareja nchini kote ambapo Wateja watainunua kwa kiasi cha Sh. 2500 za Kitanzania.
NA DENIS MTIMA/GPL
