Gari aina ya scania lenye usajili wa namba T124 ECX linalobeba sumu ya sodium cyanide inayapeleka Migodi mitatu nchini limepata ajali eneo la Kagongwa Wilaya ya Kama na sumu hiyo kumwagika.
Ajali hiyo imetokea majira ya saa 3:00 asubuhi ambayo ilizua taharuki kubwa kwa wananchi wa eneo hilo ambapo wananchi hao walipewa tahadhari wasisogee eneo la tukio kwani kuna hatari na wakae mbali kuepusha madhara.
Akizungumza leo Oktoba 17 Wilaya ya Kahama baada ya kufika kwenye tukio hilo Kamanda wa Polisi Mkoa wa Shinyanga ACP, Janeth Magomi amesema alipata taarifa majira ya saa 3:20 asubuhi kuwa gari la Kampuni ya Taifa Transport & Logistic limedondoka katika Kata ya Kagongwa Wilaya hiyo na hivyo akaenda eneo tukio.
Amesema vyombo vya usalama vinaendelea na udhibiti kuepusha madhara kwa wananchi na hivyo ni lazima tahadhari ziwepo kwa sababu sumu ni hatari.
“Nilivyofika kwenye eneo la tukio ni kweli ajali imetokeoa na huduma za uokaji zinaendelea ambapo dereva mmoja kati ya madereva kumi waliokuwa wakisafirisha sumu ya sodium cyanide amepata ajali na kapewa huduma na kuhakikisha madhara hayotokei kwa wananchi, ” amesema Kamanda Magomi.
Amesema dereva huyo amepewa huduma ya kwanza kutoka kwa waaguzi na anaendelea vizuri.
Amesema amewasisitiza wananchi waendelee kutoa taarifa kwa jeshi la polisi wanaopoona matukio ya aina hiyo na hawasogei eneo hilo kwa tahadhari hadi sasa hakuna madhara yeyote.
Aidha amesema hali ni shwari na amewatoe wasiwasi wananchi wote wa eneo hilo waaendelee na shughuli zao za kila siku na kutoa ushirikiano kwa vyombo vya usalama.
Naye Mkuu wa Jeshi la Zimamoto na Uokoaji na Mkaguzi wa Wilaya ya Kahama, Edward Selemani amesema wao wamejianda kufanya uokaji muda wowote mara tu tukio linapotokea.
Amesema walivyopokea taarifa za tukio hilo walijiandaa kwa kuvaa vifaa vya uokozi na kuhakikisha sumu ya sodium cyanide isilete madhara kwa wananchi.
“Wananchi kuwa na tahadhari kubwa matukio kama haya yanapotokea na wasisogelee eneo hili kwa sababu sumu ni hatari na unaweza kupoteza maisha,”amesema Selemani.
Naya Mwenyekiti wa Serikali za Mitaa Mtaa wa Kashime, amesema walipata mshituko kuona tukio la ajali hiyo.
“Ajali hii imetuogopesha tulikuwa na taharuki maana gari limeandikwa hatari na sumu, tumeona dereva anadondoka baada ya muda tukaona watu wanahangaika na kutoa huduma ya kwanza ikabidi tukae mbali na eneo hili ,”amesema Mabula.
Kwa upande wake Meneja wa Mradi wa Kampuni ya Taifa Transport &Logistic, Happiness Nyiti amesema amepokea taarifa za ajali akiwa kwenye Mgodi wa Buzwagi na hivyo ikambidi afike kwenye eneo la tukio.
“Ni kweli ajali iliyotokea ni gari ya kampuni yetu gari aina ya scania lenye usajili wa namba T124 ECX linalobeba sumu aina ya sodium cyanide inayopelekwa kwenye migodi ya Buzwagi, Bulyankulu na North Mara,”amesema Nyiti.
Amesema kwanza anashukuru vyombo vya usalama na wadau kwa kuweza kudhibiti ajali hiyo hadi sasa hakuna madhara yeyote yaliyotokea kwa wananchi na hali ya dereva anaendelea vizuri kwa sasa.
Aidha amesema wanafanya mafunzo ya madereva wote wanaoendesha magari yanayobeba sumu ya sodium cyanide.
“Mafunzo hayo yanatolewa na Ofisi ya Mkemia Mkuu wa Serikali na kupewa vyeti kwaajili ya kusafirisha sumu ya sodium cyanide na tunahakikisha wakiwa safarini madereva wana vifaa vya kujikinga na sumu hizo ikiwepo mbele convoy leader na escot,”ameongeza.
