“Sisi sote tuna maslahi mapana na hatma ya Zanzibar, na kama maslahi yakiwa mazuri sote tutanufaika, na maslahi yakiwa mabaya basi sote tutaathirika, hivyo lazima tutambue sisi ni ndugu na Zanzibar ndiyo nyumbani kwetu,” alisema.
Seif ambaye ni Mwenyekiti wa Chama cha ACT-Wazalendo amesema, suala la ushirikiano katika nchi haliepukiki na Zanzibar inahitaji umoja na mshikamano. Uwepo wa Serikali ya Umoja wa Kitaifa, unaonyesha maendeleo ya Zanzibar yataletwa na Wazanzibar wenyewe.
“Uchaguzi mkuu umeacha majeraha makubwa kwa wananchi na hii imetokea baada ya kutokuwepo ushirikiano. Mbali na yote yaliyotokea, mimi na Rais Hussein Mwinyi, tumesafiana nia na lengo letu kwa sasa ni kujenga nchi hii, kuweka umoja na mshikamano kwa maslahi yetu na vizazi vyetu,”alisisitiza.
