MSEMAJI wa Klabu ya Simba, Haji Manara leo ameungana na viongozi mbalimbali wa serikali, warfanyabiashara na wasanii kumuunga mkono msanii Diamond Platnums kwenye sherehe yake ya kuzaliwa iliyofanyika nyumbani kwao, Tandale Maguniani.
Katika tukio hilo ambapo Diamond ametoa Bajaj kwa mlemavu Bi. Evodia Nchimbi wa Mburahati, pikipiki 20 kwa vijana wa Tandale, bima za afya kwa watoto 1,000, mitaji kwa akina mama na vijana, Haji Manara aliufananisha umati uliofika kumuona nyota huyo na wapiga kura kwa kusema Diamond angepita bila kupingwa iwapo angegombea nafasi yoyote ya ubunge.
“Kama Diamond angetaka kufanya siasa hizi zote kura zake nawaambia, nimejaribu kumuuliza kuhusu hilo lakini mwenyewe amesema hataki kufanya siasa hivyo wanasiasa mtulize roho zenu,” amesema Manara.
Mara baada ya kusema hayo shangwe ziliibuka uwanjani hapo na baadaye Manara alizungumza tena na baadaye alitoa mipira kwa shule za Tandale.
Amesema ili watoto wakue vizuri ni muhimu wapate muda wa kucheza hivyo anatoa mipira hiyo ili kuhakikisha wanashiriki michezo.
Amesema katika kumuunga mkono Diamond amezungumza na wadau ambao wamekubali kuweka ligi Tandale itakayofahamika kwa jina la ‘Diamond Tandale Super Cup.’
Manara ametangaza kugharamia ada za wanafunzi wote walemavu watakaoanza shule Januari mwakani.
“Wanafunzi walemavu wote watakaoanza mwakani nitalipa ada kuanzia msingi hadi sekondari ili mradi iwe shule za serikali,” amesema Manara huku akishangiliwa.
PICHA: RICHARD BUKOS, GPL
Comments are closed.