SIMBA WATUA DAR ES SALAAM KUTOKA SAUZI, WAPO KAMILI KWA SIMBA DAY

Last updated Aug 6, 2017

Kocha Msaidizi wa Simba, Jackson Mayanja akiwa Uwanja wa Ndege wa Kimataifa wa Julius Nyerere muda mfupi baada ya timu hiyo kuwasili nchini ikitokea Afrika Kusini, jana Jumamosi.

Baada ya kufanya mazoezi kwa siku kadhaa nchini Afrika Kusini hatimaye wakijiandaa kwa ajili ya msimu ujao wa 2017/18, hatimaye kikosi cha Simba kimerejea salama jijini Dar.

Dokta wa Simba, Yasin Gembe (kushoto) akiwa na Kaimu Makamu wa Rais wa Simba, Idd Kajuna

Simba ambayo ilikuwa Sauzi kuweka kambi ikiwa na wachezaji wake wapya kasoro Haruna Niyonzima, inatarajiwa kucheza mchezo wa kirafiki katika Tamasha la Simba Day litakalofanyika kwenye Uwanja wa Taifa, Jumanne ijayo Agosti 8 dhidi ya Rayon Sports.

Kiungo wa Simba, James Kotei akiwa ndani ya basi lao muda mfupi baada ya kuwasili nchini

Wachezaji wa timu hiyo waliwasili kwa mafungu ambapo hali hiyo ilitokana na kupata tiketi katika ndege tofauti.

Katika tamasha hilo, Simba inatarajiwa kumtambulisha mchezaji wake mpya Haruna Niyonzima ambaye hakuwepo kambini kutokana na masuala ya kifamilia aliyokuwa akiyaweka sawa nchini Rwanda ambapo ni nyumbani kwao.

Kocha Mkuu wa Simba, Joseph Omog akiwa uwanja wa ndege muda mfupi baada ya kuwasili.

Beki Simba Simba SC