Magufuli Alivyozindua Kampeni Kwa Kishindo

On Aug 30, 2020

Raisi wa Jamhuri ya Muungano wa Tanzania na Mgombea Uraisi kwa tiketi ya Chama cha Mapinduzi Dkt. John Pombe Magufuli amezindua kampeni kwa kishindo katika Uwanja wa Jamhuri Jijini Dodaoma.

Katika uzinduzi vigogo mbalimbali wa chama hicho walihudhuria ambapo kabla na baada ya uzinduzi huo wasanii wa Bongo Fleva na Bongo Muvi walifanya kufuru kwa kufunikana huku mahasimu Diamond Platniumz, Ali Kiba na Harmonize walipiga bonge la shoo jukwaa moja.

Katika kampeni hizo miongoni mwa walihudhuria ni marais wastaafu, Mawaziri Wakuu wastaafu, Makatibu Wakuu Wastaafu na viongozi wengine wengi wa chama hicho.

Ukiachana na viongozi wa chama hicho kulikuwa na burudani kutoka kwa wasanii mbalimbali wakiwemo wakali wa Bongo Fleva, Diamond, Harmonize, Ali Kiba na wengine wengi.

Katika uzinduzi huo Raisi Magufuli aliyataja baadhi ya mambo aliyofanyia taifa hili na kuomba ridhaa ya kuchaguliwa tena ili amalizie mambo makubwa aliyoyaanza.

Magufuli aliyataja baadhi ya mambo kuwa ni pamoja na kujenga fly over ya Tazara na Ubungo Daraja la Selander reli ya SGR barabara mbalimbali na mambo mengi.

Kutoka na wingi wa mambo aliyoyafanya alishindwa kumaliza kuyasema yote ambapo mengine aliyoyataja ni pamoja na ongezeko la shule, hospitali nidhamu kwa watendaji wa serikali na mengine mengi.

Makamu wa Rais Mama Samia Suluhu alivyoingia.

Raisi Mstaa wa awamu ya pili Alhaj Ali Hassan Mwinyi akiwapungia wafuasi wa CCM waliofurika uwanjani hapo.

Waziri Mkuu mstaafu, Edward Lowassa mwenye shati la kijani alivyoingia.

Katibu Mkuu wa CCM Dkt. Bashiru Ally akizungumza kwenye uzinduzi huo.

Raisi Mstaafu Jakaya Kikwete (kulia) na Mgombea Uraisi wa Zanzibar, Hussein Ali Hassan Mwinyi na nyuma yao Spika Mstaafu Pius Msekwa wakifuatilia shamrashamra za uzinduzi huo.

Makamu wa Raisi Mama Samia Suluhu akifuatilia kiumakini shamrashamra hizo.

Raisi Magufuli akisoma risala ya uzindua kampeni hizo na kueleza jinsi alivyoifanikisha nchi kupata maendeleo makubwa ndani ya kipindi chake cha miaka mitano na kuomba ridhaa kwa wananchi wamchague tena ili afanye zaidi ya hayo.

Mgombea Urais wa Zanzibar Dkt Hussein Ali Hassani Mwinyi akiwa na wazee wake. Jakaya Kikwete na Baba yake mzazi Ali Hassan Mwinyi wakiteta jambo lao. HABARI/PICHA ZOTE NA RICHARD BUKOS GPL, Dodoma.