Uzinduzi wa K-Vant wafanyika Mwanza

KAMPUNI ya Mega Beverages Company Limited ya mkoani Arusha, inayotengeneza pombe kali chapa maarufu ya K- Vant,  imezindua chupa mpya za kinywaji cha K-Vant zenye mwonekano tofauti na chupa za awali katika jiji la  Mwanza, katika hafla iliyofanyika katika Hoteli ya Golden Crest. Uzinduzi huo unafanyika baada ya uzinduzi rasmi mkubwa uliofanyika katika mikoa ya Dar es Salaam na Arusha.

 Mkuu wa wilaya ya Ilemela Dk. Seveline Mathias, ambaye alikuwa mgeni rasmi alisema kuwa serikali itaendelea kuuga mkono wawekezaji wa ndani ya nje ili kufaikisha mkakati wa kuifanya Tanzania nchi ya Viwanda.”Nawapongeza Mega Beverages Company Limited, kwa kuzindua chupa mpya sambamba na mkakati wenu wa kuyateka masoko zaidi,”alisisitiza.

 Meneja Masoko na Mauzo wa Mega Beverages Company Limited, Marco Maduhu, alisema mabadiliko hayo hayabadilishi ladha  halisi ya kinywaji hicho , wateja wake wataendelea kufurahia kutumia K-Vant, ikiwa katika ladha yake halisi ya siku zote.

 “Leo tunayo furaha kufanya uzinduzi wa chupa mpya ya K-Vant hapa mkoani Mwanza, Uzinduzi huu unahusisha mikoa yote ya kanda ya ziwa ambako kuna soko kubwa la bidhaa yetu ya K-Vant,tunawashukuru mawakala na wateja wetu wote ambao kwa muda  mrefu  wamekuwa wakituunga mkono na kutuwezesha kuendelea kupata mafanikio zaidi,”alisema Maduhu.

 Maduhu, aliongeza kuwa kampuni imejipanga  kuteka masoko zaidi ya ndani na kanda ya Afrika Mashariki,hali itakayosababisha kupanda kwa uzalishaji na  kuongeza pato la taifa kupitia kodi mbalimbali  sambamba na kunufaisha watanzania wengi kupata ajira za moja kwa moja na zisizo za moja kwa moja.

  “Mega Beverages Company Limited tutaendelea kuunga mkono jitihada za serikali  ya awamu ya tano za kufanikisha mkakati wa kuifanya Tanzania kuwa nchi ya viwanda sambamba na kuendelea kusaidia kukabiliana na changamoto za kijamii kwenye maeneo mbalimbali ya biashara zetu’’,alisisitiza.