Sheria Mpya Ya Uhamiaji Yahimiza Uwekezaji Kwa Wageni Katika Soko La Nyumba Za Makaazi Zanzibar

Last updated Nov 24, 2023

Waziri wa Nchi Ofisi ya Rais, Uchumi na Uwekezaji Zanzibar, Mhe. Mudrick Soraga akizungumza kwenye mdahalo wa uwekezaji wa Nyumba za Makaazi unaolenga sheria mpya za uhamiaji zinazotoa vibali kwa wageni kununua na kuwekeza kwenye nyumba za makaazi nchini, sambamba na hilo iliendana na uzinduzi wa miradi mipya ya nyumba za makaazi za Moyoni Bay na Mwangani SkyLoft ziliyopo Zanzibar. Wengine katikati ni Afisa Mtendaji Mkuu wa CPS Africa Limited, Sebastian Dietzold na Mhandisi wa Miradi CPS, Leander Moons.

Masaki, Novemba 21, 2023, Kwa kubarikiwa na Uwepo Mzuri wa Waziri wa Nchi Ofisi ya Rais, Uchumi na Uwekezaji Zanzibar, Mhe Mudrick Soragha, hafla ya hivi karibuni ya CPS AFRICA ilionyesha mafanikio makubwa katika mandhari ya makazi ya Zanzibar.
Hafla hii, iliyoongozwa na Waziri kama mgeni rasmi, ilionyesha wakati muhimu katika kutetea uwekezaji wa kigeni katika ukanda huu.
Wakati wa hafla hiyo, Sebastian Dietzold, Mkurugenzi Mtendaji wa CPS AFRICA, alisifu kitendo cha serikali kupitia uhamiaji, kutoa vibali vya kuishi kwa wanunuzi wa nyumba wanaowekeza zaidi ya dola za kimarekani 100,000. “Tumefurahishwa na mpango huo wa serikali,”
Alieleza, kwa kusisitiza uwezeshaji unaowaletea wateja na mashirika ya diaspora wanaotaka kujihusisha na soko la nyumba za makazi Zanzibar.

Hafla hiyo pia ilishuhudia uzinduzi wa bidhaa mbili za kibunifu na CPS AFRICA: Moyoni Bay na Mwangani SkyLoft. Matoleo haya ya kwanza yanaashiria mabadiliko ya dhana katika maisha ya anasa na fursa za uwekezaji, na kuahidi uzoefu wa nyumba za makaazi uliofafanuliwa upya Zanzibar.
Zaidi ya hayo, mjadala wa jopo wenye mdahalo ulionyesha zaidi umuhimu wa sheria hii mpya ya uhamiaji.
Waziri Mhe. Mudrick Soraga aliwatoa hofu wawekezaji wa kigeni kuhusu usalama na uhakika wa uwekezaji Zanzibar.

Waziri wa Nchi Ofisi ya Rais, Uchumi na Uwekezaji Zanzibar, Mhe. Mudrick Soraga (katikati) akimpongeza Afisa Mtendaji Mkuu wa CPS Africa Limited, Sebastian Dietzold kwa uzinduzi wa miradi mipya ya nyumba za makaazi za Moyoni Bay na Mwangani SkyLoft ziliyopo Zanzibar. Kushoto ni Naibu Ofisa Uendeshaji Mkuu CPS, Alfred Vendeline.

“Kitendo hiki kinaonyesha dhamira yetu isiyoyumba katika kuhakikisha mazingira ya uwekezaji yanakuwa salama na ari ya serikali katika kulinda maslahi ya wawekezaji wa kigeni”. Alisisitiza waziri Soraga
Aliongeza kusema, “ Sheria mpya ya uhamiaji kuhusu wanunuzi au wawekezaji wa nyumba za makaazi kuwa na vibali vya ukaazi kwenye nchi hii ni jambo la kihistoria ambalo linaenda kufungua soko la nyumba za makaazi na pia kufungua soko la utalii utaoenda kutanua wigo wa wawekezji ambao wanaingia nchini.

Uzinduzi wa miradi ya Moyoni Bay na Mwangani SkyLoft ambao ni nyumba za kisasa za makaazi zilizopo Zanzibar.

Hii itawakaribisha watalii duniani watakaotaka kununua nyumba nchini na kuongeza kukuza uchumi ambao kwa Zanzibar tumelichukulia kwa uzito wake, tuna miradi zaidi ya 36 ya nyumba za makaazi na wenzetu wa CPS Africa wamewekeza zaidi ya Dola milioni 400, ni sekta inayokuwa kwa kasi kubwa na kuinua uchumi na kuongeza mnyororo wa thamani nchini”.
Kipindi cha nyuma wanunuzi wa nyumba walikuwa hawapati kibali cha ukaazi, ilikuwa wakiingia nchini wananunua nyumba zao lakini iliwabidi kutoka ili wakidhi vigezo vya uhamiaji na kupitia mabadiliko haya tunawezesha wanunuzi kuwa na amani kwa kupata vibali vya miaka mitano (5) wao na familia zao ikiwemo watoto wanne (4).
Kwa kumalizia napenda nitoe shukrani za dhati kwa Wizara ya Mambo ya Ndani na Uhamiaji kwa kazi kubwa waliofanya kwa kipindi cha takribani miaka miwili kwa ajili ya kuweka mpango wa jambo hili. Alimaliza Waziri Soraga.